|
|
 Ante
tertium genus relictum varia genera pingendi, quae ab quinquagesimo anno a. Ch. n. usque
ad urbes Vesuvinas dirutas simul vel deinceps in usum conversa sunt, ante et post terrae
motum LXII p. Ch. n. atque Domum Auream Neronis aedificatam (LXIIII - LXVIII p. Ch. n.),
inveniri coeperunt. Cum quarti generis picturae ultimos annos ante Pompeios dirutos
effectae essent, eae plures quam picturae antecedentium generum manserunt. Quidam
investigator saltem septendecim bonos artifices quarto genere simul pinxisse affirmat,
quod Domus Castoris et Pollucis picturis confirmari videtur. Huius temporis pictores
secundi generis architecturae argumenta, urbium atque aedificiorum prospectus, ut amoenum
portum sole collustratum ex Stabiis visum, imitabantur. Structurae pictae autem saepe
imaginariae sunt et scaenarum admonent. Unus ex Domus Menandri dominis studiosus
spectaculorum erat, quandoquidem perystili aedicula Menandri imaginem, fabularum
scaenicarum scriptoris circa CCXC a. Ch. n. interiti, ex nomine agniti in veste et
volumine, quod in manibus habet, scripto, continet. Totus Domus Pompeiani Pinari Cerialis
paries Tragoediae Iphigeniae in Tauride scaena Euripidis pictus est. Fabulae vetustae
etiam tum artificum Pompeianorum et Herculanensium, qui exempla Graeca ad ultimos quattuor
saeculos a. Ch. n. pertinentia licenter imitabantur, animos concitabant. Operae huiusmodi
saepissime sine artificis nomine sunt, cum Lucius se varias scaenas, ut Pyrami et Thisbes
scaenam, Domi L. Tiburtini pinxisse affirmet. Pictor habilior sed incognitus scaenam,
lucum et umbrarum concordia et humanitate et modo et profundo spatiorum simulato plenam,
Herculis cum Telepho et Satyro, qui studii puerorum imaginum declaratio est, in Basilica
Herculanensi depinxit. Scaena Persaei et Andromedae molli splendore picta dulcem
condicionem exprimet. Descriptiones Penthei a Maenadibus dilaniati et belli Troiani
exuberantes sunt. Scaena Iphigeniae sacrifici ex Domo Poetae Tragici et ea Achillis
Briseidem reddentis angore plenae sunt. In Ulixis et Penelopae descriptione peregrinator
uxoris visu turbatur. Formarum plenitudines et vultus harum picturarum paucis lineis ex
colore adumbratae sunt. Propensio ad album et nigrum pictura ultimos annos hius generis se
confirmavit, ut Domi L. Tiburtini et Domi Vettorum. Illo tempore Pompeiis argumenta
Aegyptia, plantae et animalia exotica, sicut Domi Marci Lucreti Frontonis et Domi Luci C.
Secundi, et gradu deteriori multi ornatus simplices denuo pingebantur. Domus Cervorum
Herculanensis ab cervorum canibus impugnatorum scaena, qua praeclaro opere et concitatione
plena est, nomen cepit.
|
|
|
De primo genere
De secundo genere
De tertio genere
De quarto genere
|
